رحلتكم كلها في مكان واحد
خططوا، اختاروا الأماكن، شاركوا المصاريف واتخذوا قرارات الرحلة مع بعض، بدون تشتت بين التطبيقات
السفر ممتع ترتيبه؟ مو دائمًا
بين القروبات والملاحظات والمصاريف، تفاصيل الرحلة تتوزع في كل مكان وتضيع
وي تربي يجمع رحلتكم في مكان واحد
خططوا الرحلة مع بعض
كل تفاصيل الرحلة واضحة للجميع، من أول يوم إلى آخر يوم
- جدول يوم بيوم يشوفه الكل ويعدّل عليه
- الأماكن مربوطة بأيام الرحلة مباشرة
- كل عضو يعرف وش الخطة بدون ما يسأل
مين دفع؟ ومين عليه؟ وي تربي يحسبها
أضف المصروف، اختر مين دفع ومين مشارك، والباقي يتحسب لحاله
فلوس الرحلة المشتركة، واضحة للجميع
المجموعة تجمع مبلغ مشترك للمصاريف العامة، والكل يشوف كم دخل وكم انصرف
مين يحول لمين؟ محسوبة لكم
وفي نهاية الرحلة، تعرفون بالضبط مين يحول لمين، بأقل عدد تحويلات
بدل ١٠٠ رسالة في القروب صوتوا وخلاص
اطرح السؤال، حط الخيارات، والكل يصوّت. القرار يوصل للرحلة مباشرة
شفت مكان وعجبك؟ احفظه للرحلة
شارك الرابط من أي تطبيق، حدد الدولة والتصنيف، ويصير جاهز تضيفه لأي رحلة
اكتشف وجهتك
أماكن مختارة تساعدك تعرف وين تروح، بدون زحمة المحتوى العشوائي
الرحلة لكم كلكم
الكل داخل نفس الرحلة: يضيف مكان، يسجّل مصروف، يصوّت على قرار. كل واحد يشوف اللي يخصه ويشارك في نفس الخطة
رحلتك تنتهي، لكن تفاصيلها تبقى
بعد ما ترجع، احتفظ برحلتك مرتبة وشاركها مع أصحابك: الأماكن، الجدول والتجارب اللي تستحق. بدل ما ترسل عشرات المواقع والصور كل مرة، شارك الرحلة كاملة برابط واحد
ما تظهر أبدًا في الصفحة المشتركة: الأرصدة، مين عليه لمين، صندوق الرحلة، بيانات الأعضاء أو الملاحظات الخاصة
كل رحلتك في مكان واحد
من تجربة شخصية بدأت الفكرة
قصة وي تربي
بدأت الحكاية من سفري المتكرر وحبي لاكتشاف دول وأماكن جديدة ومع الوقت صار أصدقائي يعتمدون علي في ترتيب رحلاتهم أو السفر معي وصرت أنا المسؤول عن جمع التفاصيل وتنظيمها
ومع كل رحلة كبرت المسؤولية أكثر حجوزات، ميزانية، أماكن، أنشطة، ومتابعة يومية وبدل ما أعيش متعة السفر كاملة كنت أفقد جزءاً منها وسط التنظيم والحسابات والتنسيق
من هنا جاءت فكرة وي تربي منصة تجمع كل ما أحتاجه في الرحلة من التخطيط والمصاريف إلى الأماكن ومشاركة التجارب بطريقة أبسط وأوضح حتى أركز على الأهم فعلاً: الرحلة نفسها
نبي نخليكم تعيشون الرحلة أكثر وتديرونها أقل
الأسئلة الشائعة
وي تربي يجمع رحلتكم في مكان واحد للتخطيط والأماكن والقرارات والمصاريف وصندوق الرحلة
نعم تقدر تنشئ رحلتك وتبدأ التخطيط مجانًا
أكيد أضف أصحابك وخططوا واتخذوا القرارات وتابعوا المصاريف مع بعض
نعم تقدر تخطط لرحلتك وتحفظ الأماكن وتتابع مصاريفك حتى لو كنت مسافر لحالك
نعم وي تربي مناسب لكل أنواع الرحلات سواء مع الأصدقاء أو العائلة أو لشهر العسل أو حتى لوحدك
بالتساوي أو بمبالغ مخصصة أو بالنسبة أو بالحصص ووي تربي يحسب الأرصدة تلقائيًا
صندوق مشترك للرحلة يوضح كم ساهم كل شخص وكم انصرف وكم باقي
نعم شارك الرابط إلى أبي أروح وحدد الدولة والتصنيف ونحفظه لك
الأماكن هي اللي تحفظها لرحلتك واستكشف فيه توصيات مختارة تساعدك تكتشف أماكن جديدة
وي تربي مصمم للجوال أولًا ويعمل أيضًا على الويب
نعم رحلتك خاصة بأعضائها افتراضيًا وأنت تحدد وش تحب تشاركه أو تنشره
رحلتكم الجاية تبدأ من هنا
اجمعوا الخطة، الأماكن، المصاريف والقرارات في مكان واحد
ابدأ رحلتك